ដាសាផូគូ គឺជាកំពង់ផែតូចមួយ ដែលស្ថិតនៅដាសារី ប៊ីអ៊ីនម្យន សឆុនគុន ដែលជំរាលខាងត្បូងលាតសន្ធឹងពីភ្នំកំពស់ 60m រហូតដល់សមុទ្រ។ ទីនេះ គឺជាកន្លែងដែលអ្នកនេសាទក្នុង ដាសារី និងអ្នកនៅភូមិជិតៗនេះ មកជួសជុលសំណាញ់ និងនិយាយលេងជាមួយគ្នាបន្ទាប់ពីធ្វើការរួច។ វាស្ថិតនៅឈូងសមុទ្រដែលអភិវឌ្ឍន៍បានល្អ ហើយបានទាក់ទាញមនុស្សជាច្រើន មកកាន់ទីនេះ​ ដើម្បីស្ទូចត្រី។ នៅទីនេះ អ្នកនឹងរីករាយចំពោះភាពស្វាគមន៍រាក់ទាក់នៃប្រជាជនក្នុងភូមិនេសាទ បរិយាកាសរ៉ូមែនទិក និងការស្ទូចត្រី។ នៅពេលដើរលើឆ្នេរខ្សាច់ អ្នកនឹងមានអារម្មណ៍ថាហាក់ដូចដើរ លើកណ្តាលសមុទ្រ។ មានឆ្នេរខ្សាច់តភ្ជាប់ពីកំពង់ផែ ទៅកាន់សមុទ្រខាងត្បូងប៉ែកខាងលិច ហើយនៅទីនេះ​ អ្នកក៏អាចគយគន់ទិដ្ឋភាពថ្ងៃរះ និងថ្ងៃលិចផងដែរ។